GUSTO niya si Dim pero alam niyang hindi niya kayang pangatawanan iyon. Hindi rin niya sigurado kung gusto niya itong maging kaibigan o may mas malalim pang dahilan doon. Ang alam lang niya, hindi na ganoon katindi ang takot niya sa binata. Kung noong una, titigan lang siya nito ay nangangatog na siya, ngayon ay nagagawa na nitong hawakan siya ng walang kahirap hirap. Ang hindi lang talaga niya kayang paglabanan ay ang takot kapag bumabalik sa isip niya ang mga nangyari noon, kapag nasa malapit na malapit na si Dimmitry.
Maya-maya ay tumayo na si Dimmitry hawak ang mahabang patpat na kinatutusukan ng ilang malalaking ibon. Nagulat pa ito nang makitang gising na siya at magtama ang mga mata nila.
"Gising ka na pala. Heto, o, kumain ka," walang kangiti-ngiti nitong sabi habang humahakban
