"HON, kumusta bilang boss ang kakambal ko?" Tapos na silang mag-dinner. Naihatid na rin siya nito sa parking lot ng kanyang condo pero nananatili silang nasa loob ng sasakyan. Hindi niya inaasahan ang tanong na iyon ng nobyo.
Noong una ang akala niya ay ayaw nitong pag-usapan ang tungkol sa pagpasok niya sa kompanya ng kapatid, dahil hindi ito nagbabanggit ng tungkol doon.
"Ayos naman," tipid niyang sabi.
"Ayos pero ganyan ang mukha mo?" natatawa nitong sabi. Lingid kasi sa kanya ay sambakol ang kanyang mukha. Bumalatay din doon ang kinikimkim niyang galit para sa kapatid ng kasintahan.
"Ayos lang, Hon. Pero magkamukhang-magkamukha man kayo, malayong-malayo ang ugali ninyo sa isa't isa. Soft talking person ka. Samantalang ang kapatid mo ay harsh magsalita. Hinid iniisip kung nakakas
