AS YOU can see, kailangan natin itong pag-aralan, Thea, especially you. Kailangan mong gawan ng report 'yan dahil kailangan ko ng i-submit sa board pagbalik natin," sabi ni Dominique habang ibinibigay sa kanya ang folder na medyo makapal ang laman. Kahit gusto niyang magreklamo ay wala naman siyang magagawa. Ang usapang seminar lang ang ipinunta nila rito sa Baguio ay mukhang hindi naman pala mangyayari. Mukhang tambak din ang trabaho niya kagaya sa opisina.
"P-pag-aaralan ko, Sir. Pwede naman ho siguro 'yan sa weekend then ipapasa ko na lang sa inyo sa Monday," napipilitan niyang sabi.
"No. Masyadong komplikado ang laman kaya hindi pwedeng sa weekend mo lang tatrabahuhin, Thea. I suggest na pag-aralan mo na habang nandito tayo sa Baguio," anito sa tonong hindi pwedeng balewalain. Hin
