Kinuha ko ang buong lakas ko para itulak si Miggy. Huminga ako ng malalim bago sagutin ang kanyang sinabi. "Lasing ka, Miggy! Hindi mo alam ang mga sinasabi mo," diin ko.
Ano bang akala niya? Na umiiwas ako sa kanya dahil natatakot ako na baka mahalin ko ulit siya? Nababaliw na ba siya?
Hinawakan niya ang braso ko. Mabilis ko naman itong binawi. Ayoko nang dumampi ang balat niya sa akin. Hindi na tama ito. Hindi tama na nag uusap kami ngayon habang nasa loob lang ang kanyang Kuya at naghihintay sa akin.
"I missed you..." malungkot at tila bulong na lang nang sabihin niya ang tatlong salitang iyon.
Natigilan ako sa paghinga. Kahit na medyo madilim sa kinaroroonan namin, kitang-kita ko pa rin ang pagkislap ng kanyang mga mata. Dahil ba ito sa luha? Hindi ko na alam!
"And I'm so... sorry
