MATAPOS mag-shopping at mamasyal ng kaunti ay kumain na rin sa labas si Yumi at Carlo. Pagkatapos iyon ay bumalik din agad sila sa hotel room niya. Pagdating doon ay nagpahinga lang siya, uminom ng gamot, pagkatapos ay inayos ang mga pasalubong na iuuwi sa Pilipinas para sa pamilya. Habang si Carlo ay nakaharap sa laptop nito at may hinarap na trabaho.
Nang matapos sa ginagawa ay lumabas ng bedroom si Yumi at lumapit sa binata na nang mga sandaling iyon ay nakaupo sa tapat ng dining table at may pinapanood na video sa ipad nito at sa laptop ay nakabukas ang email nito. Tumayo siya sa likod at niyakap ito sa leeg.
“Busy?” malambing na tanong niya.
Tinigil nito ang pinapanood at lumingon sa kanya. “Yeah, medyo, sorry, sabi ko pa naman sa’yo ang oras ko ngayon,” sagot nito at hinawakan
