Hindi ko alam kung bakit ako pinaakyat ni Atalanta rito sa rooftop. Sabi n'ya ay basta silipin ko lang siya sa baba. Napangiwi ako nang makita ko siyang nagsuot ng facemask. Lumapit kay Aella na naroon pa rin sa likod ng gusali. Lumapit ako sa edge para masilip sila nang mabuti roon. Hindi ko marinig ang usapan nila, pero kitang-kita ko nang makalapit si Atalanta saka mabilis na sinampal ang babae. Tumingala pa si Atalanta sa akin na parang ipinararating na gano'n dapat manampal. Bumagsak si Aella.
Pero dumampot ng bato ang kaklase ko, akmang ihahampas iyon kay Atalanta. Ngunit mabilis na hinampas ni Atalanta ang kamay ng babae. Bumagsak ang bato sa mismong paa ni Aella, kaya namilipit siya sa sakit.
"Sino ka ba?" sigaw ni Aella. This time narinig ko na iyon, dahil frustrated na itong
