Chance ko nang tumakas, pero hindi ko ginawa. Nagtungo ako sa kwarto at sinubukan matulog. Pero nakakaidlip pa lang ako ay ginising na ako nang malakas na pagsabog. Pakiramdam ko'y lumindol pa nga at nawindang talaga ang buo kong sistema.
Agad akong bumangon at tumakbo patungo sa pinto, pero pabalyang bumukas iyon. Bumungad si Lion na naka-long sleeve and pants na. May suot na rin siyang maskara. Agad pa n'yang ipinasuot sa akin ang maskara ko. Saka siya tumakbo patungo sa cabinet. Kumuha ng jacket doon at ipinasuot sa akin.
Nagmamadali ang kilos, ramdam ko ang tension sa paligid namin.
"W-hat is going on? I'm scared." Amin ko rito. Nanginig pa ang kamay, inabot ni Lion iyon at hinila n'ya ako patungo sa balcony. May naririnig kaming mga yabag at tinig mula sa ibaba, kaya naman nauna
