Hindi ako makahinga sa sobrang kaba ko. Para akong nasa isang silid na walang pinto at bintana, walang hangin na pumapasok kaya para akong kinakapos sa paghinga.
Ang wedding gown na suot ko'y ang ganda-ganda. Pero hindi ako ang pinakamasayang bride sa araw ng kasal ko. Paano ako magiging masaya? Hindi naman ito normal na kasal, kung saan nagmahalan kami ni Lion kaya magpapakasal.
"Lalakad ka palapit kay signor." Bulong ni Cleope sa akin habang naglalakad kaming dalawa patungo sa garden. Tumango ako rito. Kung kagabi'y tinutukan ako ng baril ni Lion mapapayag lang sa kasal na ito, hindi na ako magugulat kung may nakatutok ding baril kapag naroon na ako sa harap ni Lion.
Nakita ko ang mga alaga ni Lion na prenteng nakahiga sa dumuhan sa gilid ng garden. May mga guard ding romoronda. Na
