Akala ko kapag nagpunta kami ng shooting range ay kailangan ko lang barilin si Cleope, 'di pala. Itinuro muna sa akin nito ang pag-assemble ng baril. Hindi ito tumigil hanggat hindi ko nagagamay. Kinailangan pa nga naming mag-break. Nag-almusal muna, pahinga saglit. Saka kami bumalik sa likod ng mansion.
Dahil wala namang magawa sa loob ng mansion ay isa na ring way iyon para malibang ako. Sa pagbalik nga namin ay medyo bumilis na ako.
Inabutan kami ni Atalanta roon. Mabaho ito, hindi ko alam kung saan na naman ito nagsuot para maging gano'n ang itsura at amoy nito.
"Babalik ako. Makikiligo lang ako saglit." Paalam nito.
"Ang baho mo." Halos tumirik ang mata ko sa labis na hilo. Iyong baho nito ay nanunuot sa ilong ko.
"Nahulog kasi ako sa septic tank. Cleope, pakiutos namang lin
