4 am. Ginising ako ni Cleope ng gano'n kaaga. Hindi ko alam kung ano ang dahilan, pero pati iyong apat na walang kamalay-malay tulad ko'y gising na rin. Nakaalalay nga si Esperanza at Calipa sa akin, habang nakahanay kami. Dahil antok na antok pa talaga ako. Nagpuyat pa naman kami ni Renese dahil doon sa app na itinuro n'ya sa akin.
"Naatasan ako ni Signor Lion na alagaan ka, habang wala siya. Kasama sa bilin niya na tiyaking makakapag-aral ka. Pero dahil may isang buwan pa bago ang pasukan, titiyakin ko munang may lakas ka para gawin iyon."
"Hindi ba pwedeng mamaya na lang, Cleope? Inaantok pa ako."
"No. Masyado nang mainit mamaya. Tatakbo tayo sa loob nitong subdivision ng dalawang ikot."
"Nooo!" tanggi ko.
"Hindi ikaw ang masusunod, Signora Franceska. Huwag mong paiiralin ang k
