[Athena's]
Kung sa mga nakaraang araw ay hindi ako gaanong napipikon kay Rita ay hindi ko alam kung bakit ngayong araw ay sobra-sobra ang pagkapikon ko sa kanya.
Umabot pa ako sa punto na gusto kong sabihin sa kanya na dalawang linggo lang ako dito. At pagkatapos ng dalawang linggo ay hindi na niya ako makikita kahit kailan. Na pagkatapos ng dalawang linggo ay maibabalik na ulit ang atensyon ni Kit sa kanya. Pero dahil sa ginawa niya kaninang pagsisinungaling at harap-harapan na pinagbintangan akong tumulak sa kanya ay parang mas gusto ko na lang siyang asarin habang narito sa Cagayan de Oro.
Ilang beses na huminga ako ng malalim matapos kong makaakyat at makapasok dito sa kwarto. Nag-alala pa naman ako sa kanya dahil nahulog siya sa hagdan. Handa pa sana akong tulungan siya, pero siya
