Hinihintay ko nalang ang pagkain na inihanda ng aming mga kasambahay para dalhin ko kay Anna. Ayaw ni Mommy na kumain ang babae sa mga pagkain sa ospital kaya pinapalutuan niya ito. Mansyon at hospital lang ang destinasyon ko araw-araw.
"Señorito, ito na po." Inabot ni Manang Ising sa akin ang pagkain, nakalagay iyon sa paper bag.
"Salamat po."
Nilisan ko ang mansyon at nagmamadaling pumunta sa ospital.
****
Pagkapasok ko sa room ni Anna ay nadatnan ko itong nakatingin sa bintana, nakahiga lang ito.
"Anna, kain na." Ani ko rito. Medyo gumaan na ang pakiramdam ko sa babae. Minsan naaawa ako rito, natutunan ko ma ring makipag-usap sa babae.
"Naku, hindi ka na sana nag-abala pa."
"Trabaho ko ito." Wika ko nalang. Ini-adjust ko ang higaan nito para maitaas ang uluhan, hindi pa si
