Lumabas kami ng bahay tatlo dahil bibilhan daw nila ako ng gamit isang buwan na pala ako sa bahay nilang dalawa, akalain mo na nakaya kong mabuhay ng wala pa sa sampung pares ng damit ang meron ako na ginagamit ko araw-araw. Sa dami ng nangyari ay ngayon lang ako inayang muli ng dalawa na bumili ng gamit sa mall.
“Kain muna tayo baby love, anong gusto mong kainin?.”
Tanong ni Leon sa akin habang nag-iisip naman ako sa likod ng kotse.
“Gusto ko ng seafoods.”
Sagot ko na tinanguan naman kaagad ng lalaki habang katabi niya si Lucas na seryosong nagmamaneho. Halos dalawang linggo na mula ng makulong si daddy, pinagbawalan na din ako ni Lucas manood ng telebisyon dahil ang ama-amahan ko na lang ang laging laman nito. Nakapag-sampa na din ako ng kaso laban sa matanda at kinuwento na din
