Aoife
Matapos ang pangayayaring 'yon ay pinapalitan ko ng bagong grupo ang mga tagapagbantay ng trono. Kahit pa imposible nilang manakaw ito ay kailangan pa rin namin 'tong ingatan. Tama na nang korona lang ang nawawala, baka mabaliw ako kapag nawala rin ang trono.
"Ginoong Matius, pinapakiusapan ko po kayong salit-salitan niyong bisitahin ang mga batay sa loob at labas ng silid," pakiusap ko sa punong tagapagbantay.
"Makakaasa po kayo, prinsesa. Sana nga ay hindi na maulit pa ang nangyari." Sumaludo siya at nagpaalam na magbabantay.
"Sumama kayong lahat sa amin," utos ko sa mga nasapiang bantay. Kailangan namin silang ipakunsulta sa diwatang babaylan ng nayon. Baka sakaling malaman niya kung anong klase ng espirito or nilalang ang sumapi sa mga ito.
"Magandang gabi, punong babayla
