"SARAH, nakita mo si Anna?" tanong ni Kim sa kasamahan sa trabaho sa front desk ng resort.
"Nakita ko pinauwi na ni Misis Peres kasi masakit daw talaga ang tiyan niya." Ang isa sa mga bellboy ng resort ang sumagot sa kanya. Kausap ni Sarah.
"Gano'n?" sambit niya na bumusangot ang mukha. Huwag lang sana mag-aabsent si Anna bukas dahil ayaw na talaga niyang relyebuhan ito sa penthouse. Magkakasakit na siya sa puso no'n kapag bukas ay doon pa rin siya.
"Pakibigay na lang ito sa kanya kapag pumasok siya bukas." Puwede nang talian ang nguso niyang abot kay Sarah sa key card.
"Bakit pa? Eh, halata namang hindi 'yon makakapasok bukas?"
"Basta. Diyan na 'yan. Magro-rosaryo ako mamaya na gagaling na siya," pagpipilit niya sa key card. Saka pamarchang umalis na.
At gagawin niya talaga 'yon. K
