Clinic

Prequel

Pagkatapos imulat ni Ryan ang kanyang mga mata ay mula sa nanlalabo ay luminaw ito at natanaw nito ang kisameng tila pamilyar. Agad siyang napabangon at tanging sambit ay walang iba kundi ang nakasama niya roon sa man-hole. Si Jena.

"Ate Jena?"

Mula sa kalayuang nakaupo ay naroon ding naghihintay ang kanyang kaanak o pinsan na babaeng pulis na si Berna. Nagulat ito nang magising si Ryan kaya napatakbo ito't inalalayan ang bata habang hawak-hawak ang ulo.

"Ryan, 'wag kang padalos-dalos. Hindi pa maayos ang sugat mo."

"Sino ka?" Waring tanong naman ng bata.

"Hindi mo 'ko nakikilala?"

Dahan-dahan muling ibinuka ni Ryan ang kanyang mga mata at tinitigan ng maigi ang kaharap na babaeng pulis.

"A-A-Ate Berna?"

"Oo, insan. Ako nga? Naaalala mo pa ba ako? Kalaro niyo ni Borj dati?" Ngiting