MATAPOS naming maligo sa ilog ay muli kaming nagpatuloy sa paglalakad. Ngayon ay magkakasunod na kaming umakyat sa bundok, kasama ang mga lalaking trainees. Kasama sina Kuya Primo at Kuya Santi sa mga groupo ng lalaki.
Hindi ko napigilan ang sarili ko na hindi lumapit sa mga Kuya ko. Niyakap ko silang dalawa, dahil sa tuwa kong makita silang dalawa dito sa gitna ng kabundukan.
Binuhat pa ako ni Kuya Santi at itinaas sa ere. Lagi niyang ginagawa ito sa akin sa tuwing magkikita kami noon sa Mindanao, kaya sanay na ako sa kanya.
Kilig na kilig naman ang mga kasamahan ko, dahil sa aking dalawang Kuya. Lalo na sina Jhona, Haenna, Honey at Maxine. Crush na crush daw nila si Kuya Santi at 'yong isang kasama nilang trainee, si Kuya Borge.
"Kayong apat, lumapit kayo dito." ma otoridad na pa
