HINDI ako makapaniwala na magkapitbahay lang pala sina Kuya Alfie at Chief. Kaya pala ang bilis makarating ni Chief dito sa bahay kasi sa tapat lang pala namin siya nakatira. Halos magkapareho din ang laki at house model ng mga bahay sa Subdivision na ito. Pintura lang ang magkakaiba.
"Ay, bahay mo pala ang nasa tapat, Chief? Akala ko naman kung malayo ang bahay mo dito. Hala, sige, pumapayag na ako, pero kung may binabalak kang masama sa bunso namin, Chief, ako mismo ang makakalaban mo!" saad ni Mamang.
"Narinig mo ang sinabi ng asawa ko, Chief!? Ngayon pa lang matakot kana, dahil aaraw-arawin ka talaga niyang susugurin sa bahay mo!" pabirong sabi naman ni Daddy.
"Ha! Ah, eh, Mamang, mahal ko po si Bridgette! Wala po akong masamang balak sa kanya. Gusto ko lang na magkakilala kami n
