GABI na kami nakarating sa Campo. Hinintay pa kasi namin si Kuya Alfie, para siya ang maghatid sa amin dito sa training Camp.
Pagbaba namin sa malawak na damuhan na tinatakbuhan namin tuwing madaling araw ay naghihintay na rin ang apat na secret agent na pabalik naman sa Base. May darating din na bagong team ng mga secret agents bukas ng umaga, para muling magturo sa amin.
Parang na e-excite tuloy ako na maging trainor ng mga bagong cadets ng ORBIT, kapag isa na akong ganap na secret agent.
Sinalubong kami nang yakap ng mga kasamahan naming cadet. Napa luha pa sila sa tuwa nang makita nila kaming dumating sa aming boarding house. Katatapos lang nilang kumain at nagpapahinga na sila sa living area nang pumasok kami.
May mga sofa na rin dito sa living area ng boarding house namin. Nag
