MATAPOS naming kumain ay agad naman kaming nag ligpit ng mga ginamit naming magluto at mga kinainan namin. Naglinis din kami ng sari-sarili naming kuwarto at banyo, saka naglaba ng mga damit namin at isinampay ito sa labas. Bago mag alas nuwebe ng umaga ay nakahanda na kami sa aming susunod na training.
Muli kaming bumalik sa Field at nag linya sa dati naming linya kaninang umaga. Martial Arts ang aaralin namin ngayon, kaya natuwa ako. Kahit paano ay may nalalaman na ako sa martial arts. Marami nang naituro sa akin si Ate Dianne, kaya magagamit ko iyon sa aming pagsasanay.
May mga lalaking sundalo na lumabas mula sa pinto ng backstage. Naka suot sila ng uniform nila na may logo ng ORBIT, pero lahat sila ay may suot na bonnet na kulay itim. Tanging mata lang ang nakikita sa kanila, kaya
