NAKASANDIG si Jonas sa likod ng kanyang kotse, habang nakahalukipkip at matamang pinagmamasdan ang malaking bahay ni Alfie. Umaasa siyang baka lumabas si Bridgette sa harapan at makita niya ito kahit sa malayuan. Ngunit mag-isang oras na siya sa labas ay hindi pa rin niya nakitang lumabas ng bahay ang dalaga.
Muli niyang tiningnan ang oras sa kanyang relo. Napa iling siya dahil kailangan na niyang umalis, para makapaghanda sa kanilang lakad mamayang gabi. Nagpasya siyang bumalik na lang sa ibang araw, para dalawin ang dalaga. Alam din ni Jonas na mainit ang ulo ng kanyang kaibingan ngayon, kaya palilipasin muna niya ito.
Napagpasyahan din niyang bumalik sa susunod na araw, para pormal na umakyat ng ligaw. Natigilan si Jonas, dahil sa kanyang naisip. Nagtataka siyang napaisip kung kaila
