Busy pa ang lahat sa pagtrace kung saan maaring nagpunta ang mga namaril kanina. Alam kong kasalukuyan na ding nagkakaroon ng pagpupulong ang mga matataas na opisyal ng bansa.
Siguradong pinag-uusapan na nila kung ano ang dapat na gawin, kung susundin ba ang gusto ng mga iyon o hindi. Hindi pa tapos ang pagdinig sa kaso ni Arjay tapos dumagdag pa ito, lalo tuloy siyang nadidiiin. Kung siya man ang may sala sa mga pagpatay mahirap naman siyang pakawalan ng ating batas, pero alam kong hindi siya, pinapaikot kaming lahat ng mastermind.
Sobra na, hindi ko na kaya, napaka demonyo niya, humanda ka talaga sa akin, demonyo ka.
Pasimple kong sinilip ang phone ko ng magvibrate iyon. Mabilis kong binuksan ng mensahe at nanlamig ang buong katawan ko ng mabasa iyon.
“May mga nakabantay na itim
