Nag-uunahan sa pagpintig ang pulsuhan at puso ni Sandy nang nasa loob na siya ng mga bisig ni Michael nang hindi niya inaasahan.
"I thought I lost you," pabulong nitong sabi sa kanya habang yakap-yakap pa rin siya nito.
Hindi niya alam kung ano ang kanyang sasabihin. Hindi niya alam kung papaano siya mag-react sa ginawa nitong pagyakap sa kanya dahil sa totoo lang, malakas at mabilis pa rin ang pagkabog ng kanyang dibdib at halos habulin na niya nang lihim ang kanyang hininga.
Muli na naman niyang nararamdaman ang kakaibang damdamin na dulot nito sa kanya. Para bang tumigil saglit ang pag-ikot ng kanyang mundo.
"M-Michael," mahinang tawag niya sa pangalan nito na siya namang nagpagising sa kanyang asawa na para bang natauhan sa kung anong klaseng kagaguhan ang nagawa nito.
Agad itong
