Napatitig si Sandy sa mukha ng kanyang asawa habang nakapikit na ito. Bahagyang napaawang ang kanyang mga labi at ang hindi niya inaasahang nangyayari ay ang pagdaloy ng kanyang mga luha sa magkabila niyang pisngi.
Nang pumatak ang kanyang luha sa pisngi ni Michael ay dali-dali siyang umalis mula sa pagkakadagan niya mula rito saka siya napaupo sa gilid ng kamay habang nakatalikod sa kanyang asawa.
Hindi niya maintindihan ang kanyang sarili kung bakit siya umiiyak ngayon, kung bakit siya nasasaktan ngayon. Dahil sa kahit na siya ang kayakap ni Michael, siya ang kahalikan nito, ibang mukha ang nakikita at ibang pangalan ang nasa isipan nito? O baka dahil mahal na talaga niya ito?
Pasimpleng nilingon niya ang kanyang asawa na ngayon ay mahimbing nang natutulog saka niya pinahid ang kanya
