"Hindi kayo nakapag-usap?" tanong ni Rico sa kanya.
"Hindi," sagot niya kasabay nang marahan na pag-iling. "Nagkita ba kayo?" pabalik-tanong niya rito.
"Oo naman! Siya pa nga ang nagbigay niyan sa akin."
Napatingin siya nang seryoso sa mga mata ng kanyang kaibigan na para bang may gustong i-clarify nang mga sandaling 'yon.
"Paano mo nalaman na nandito ako sa unit niya?"
Napasandal si Rico sa sofa na inuupuan nito habang nakatuon sa kanya ang mga mata nito.
"Sa tingin mo? Sino kaya ang nagsabi sa akin na nandito ka?"
Napatingin si Michael sa paligid ng unit pati na sa mesa kung saan may pagkain nang nakatakip sa ibabaw.
"Huwag mo akong iwan, please."
Naaalala niyang sabi kagabi sa inaakala niyang panaginip na si Sandy.
"Hindi kita iiwan. Sasamahan kita hanggang sa muli mong pagba
