Elora’s Point of View
NAPAHINGA ako nang malalim. Ang hirap palang maghintay nang ganito, nakakainip! Ang daming pumipila at mukhang di yata nauubos. Sa sobrang inip, naisip ko ang cellphone na binigay sa akin ni Uncle Seb. Binuksan ko ito at agad akong napangiti nang makitang may mga message na dumating.
Agad akong napangiti nang makita ang pangalan ni Uncle Seb. Natawa ako nang mahina dahil ang naka-register na name nito ay 'Baby Uncle Seb'.
From: Your Baby Uncle Seb.
Hey, baby, ano'ng ginagawa mo? May lalaki bang lumapit sa'yo? May babalian na ba ako ng buto?
Hindi ko na naman napigilan ang mahinang tawa na kumawala sa mga labi ko. Loko-loko talaga ang matandang 'yon.
Nireplayan ko si Uncle Seb.
From me:
Wag kang mag alala, wala kang babalian ng buto.
Nakatuon ang mga mata ko
