Nasa b****a ako ngayon ng kweba habang lumalanghap ng preskong hangin upang pakalmahin ang sarili ko. Nakaupo ako sa nakausling bato habang pinagmamasdan ang kakahuyan sa labas. Hindi ko nga lang ito maaninag nang maayos dahil sa dilim ng paligid.
Sa taas kasi nagmumula ang liwanag, at dahil sa kapal ng mga dahon ay hindi na nakakahalik sa lupa ang liwanag na mula sa- - -
Nag-angat ako ng tingin upang tingnan ang pinagmumulan ng liwanag at nanlaki ang mga mata ko nang makita ang dalawang buwan: isang normal na kulay ng buwan na manilaw-nilaw at isang bughaw. Sa palibot ng dalawang buwan ay mga kumikislap na bituin.
Kusang umawang ang bibig ko dahil sa pagkamangha. Agad akong bumalik sa mga kasamahan ko upang ibalita sa kanila kung ano ang nakita ko, pero nadatnan ko silang nagtatalo na
