HINDI NIYA MAINTINDIHAN ang naging reaksyon ng binata. Bakit gano’n? Akala niya okay na.
Biglang kumirot ang dibdib niya. Kasabay noon ang pag-ipon ng mga luhang gusto nang lumabas. Pinigilan niya lang ito. Parang bombang gusto nang sumabog.
Walang sabi-sabing tumayo ito at mabilis na nagbihis. Hinintay niya munang lumabas ito bago pinakawalan ang mga luha. Tiningnan niyang muli ang pintuang nilabasan ng lalaking mahal. Parang tanga pa siyang nagbilang kung babalik ba ito sa kanya o hindi. Napahagulhol ulit siya.
Pinahid niya ang mga luha at tumayo. Pinulot niya isa-isa ang mga damit na nakakalat at muling isinuot iyon.
Pagkatapos niyang magbihis ay lumabas na siya. Inayos niya muna ang sarili saka pinihit ang pinto ng kuwarto.
Paglabas niya ay wala na ang binata sa mesa nito. Par
