“Uriel, ano’ng nangyari?” Bumukas ang pinto ng basement at pumasok si Rona kasunod si Bini.
“Ano ba naman iyong binigay nila sa’yo. P’wede ka naman sa maid’s quarter,” reklamo nito nang matingnan ang kabuuan ng silid. Luma na ang mattress, may maliit na table at isang upuan at may maliit na paliguan. Ang dilim pa at hindi maliwanag ang ilaw. Paanong umabot sa ganito ang dalaga?
Mapait na ngumiti si Uriel. Kahit siya ay nagulat sa bagong kwarto. Kakatapos lang niya linisan ito at medyo naging desente na.
“Hindi ko rin alam, eh. Basta nakita ko na lang si Bilial na dala-dala ang gamit ko,” mahinang tugon ng dalaga.
Tumalon sa kama si Nissin at humiga sa hita ni Uriel. Marahil ay ramdam nito ang lungkot ng amo kaya gusto nitong damayan. Hinaplos naman ni Uriel ang malambot na balahibo nit
