Ipinikit muli ni Uriel ang mata dahil malabo iyon at minulat ulit iyon. Napakurap siya nang makitang wala nang tao sa harap niya.
“Huh?” Kinusot niya ang mata at nilibot ang paningin sa malaking kwarto. Namamalikmata ba siya o may nakatayo sa harap niya kanina? Pero ang bilis naman mawala.
Napaupo siya at muling nilibot ang paningin. Doon lang na-realize ni Uriel na wala siya sa kanyang kwarto.
Teka! Sa pagkakatanda niya ay kwarto ito ng Don! Bakit siya nandito? Sino ang nagbuhat sa kanya dito?
Inayos niya ang buhok, sinuklay ito gamit ang kamay saka siya bumaba ng kama.
“Where are you going?”
Napabaling ang kanyang ulo sa pinto at nakita ang Don na nakatayo doon. Ang laki nitong tao. Ito kaya ang nagdala sa kanya sa silid na ito?
“B-Babalik na sa kwarto ko, Don,” sagot ni Uriel. Na
