Kanina pa pasulyap-sulyap si Faye sa labas ng bintana. Papadilim na and yet, tila walang balak na tumila ang ulan. Mas lalo pa nga iyong lumakas. Malawak ang ngiti na iniangat niya ang cellphone at kumuha ng selfie. Kung selfie nga ba iyong matatawag dahil sinadya niyang masama sa background ang naka-side view na si Clyde na kasalukuyang nanonood ng TV. In-upload niya iyon with the caption:
You. Me. Rain. Like
"Damn this weather..." Rinig niyang mura ni Clyde. Pasimple niyang naibaba ang cellphone at ibinulsa at lumapit dito. He was watching the 7 pm news at kasalukuyang nagfoforecast si Kuya Kim. May bagyo nga.
Napangiti siya habang tinitingnan ang nakasimangot na lalaki. Pagkatapos nilang kumain kanina at pagpumilit nitong maghugas ng pinagkainan nila ay nagkulong ito sa kwarto niya
