"This weekend na ang engagement party niyo ni Philex at dito sa bahay gaganapin. May mga investor akong inimvite, kaya dapat mag ready ka para naman hindi ako mapahiya sa mga guest natin," seryosong saad ng Daddy niya nang umagang nag-aalmusal sila.
Himala nga dahil kumpleto sila. Marahil ay dahil sa announcement na ito ng Daddy niya kaya hindi pa umaalis ang dalawa niyang kapatid.
Banayad na tango ang kanyang naging tugon habang sa pagkain ang buong atensyon niya. Hindi niya nais tignan ang ama na pilit tumutulak sa kanya sa bangin. Alam ng buong pamilya niya kung anong klaseng tao si Philex. Noon pa man sinabi na niya sa mga ito na hindi niya gustong makasal kay Philex dahil alam niyang lolokohin lang siya nito. Pero kahit ilang beses na siyang magsumbong sa mga nalalaman niya tungkol
