Chapter 13
BREANA's Point of View
Tuluyang nilamon ng galit ko ang utang na loob ko kay Arwin. Nang kausapin ako ni Coach kung paanong nabastos ako sa body contact na laro ay alam kong lumabas ang tunay kong katauhan. Ang pagiging babae. Pero kung si Brent lang sana ang nandito, paniguradong iba ang magiging takbo ng laro. Hindi siguro magiging big deal sa kanya ang body contact. Nagiging katawa-tawa ako sa lahat. Paano ko palalabasing pambabastos ang pagbundol-bundol ng bahaging iyon sa katawan ni Arwin samantalang mukhang normal lang yata sa kanilang mga lalaki ang ganoon sa larong basketball? Hindi kaya ako lang naman talaga ang nagbigay doon ng kakaibang kulay?
Kung alam lang sana ni Arwin at lahat ng naroon na babae ako. Sigurado akong hindi niya sa akin gagawin iyon. Hindi k
