Chapter 20
Arwin's Point of View
(Paalala: Brent pa rin ang tawag ni Arwin kay Breana sa mga bahaging ito dahil hindi pa niya alam na si Breana na kakambal ni Brent ang kanyang nakakasalamuha)
Hindi naging madali sa akin ang magpakumbaba at tanggalin ang mga naipong galit sa aking dibdib. Ngunit nang makita ko si Brent na sumisinghap ng hangin, lumalaban para sa kaniyang buhay ay namayani yung takot sa dibdib ko sa maaring mangyari sa kaniya dahil sa kagagawan ko. Noon ay parang bigla na lang bumalik yung dating ako sa kaniya noong mga bata pa kami bago nangyari ang aksidenteng bumago ng aking pagkatao. Aksidente na siyang bumago sa pakikitungo ko sa kanya.
Kung alam lang niya kung gaano kalakas ang kabog ng aking dibdib nang magharap-harap kami ni Carlo at pilit akong pinaaamin sa
