Chapter 16
Danica Murillo
Limang araw na ang lumipas matapos ang mga nangyari sa pagitan namin ni Luke. Limang araw ko na rin siyang iniiwasan at hindi pinapansin. Hindi rin ako nagpapakita sa kanya simula nang mga nangyari.
Tuwing umaga ay pilit akong pumapasok sa trabaho ko nang mas maaga para hindi ko siya masabayan sa paglabas niya sa condo niya. Ilang beses na rin niya akong sinubukang tawagan at i-text pero hindi ko siya nirereplayan. Paulit-ulit rin siyang kumakatok sa condo ko tuwing hapon pero hindi ko siya pinagbubuksan ng pinto. Minsan na nga siyang nag-iwan ng pagkain sa labas at may note pang “please talk to me.” Kinuha ko ang mga ‘yun. Ang sama ko namang tao kung hindi ko tatanggapin ang bigay niya.
Ewan ko ba. Ngayon, hindi ko pa siya kayang harapin dahil sa kahihiyan.
