Chapter Twenty-three: Ice box
Gaano na ba sila katagal na nandito sa lugar na ito? Oras? Araw?
Napabuntong hininga na lang si Aman at mas lalong sumiksik sa tabi ng batang babae. Madilim na ang paligid dahil kanina pa lumubog ang haring araw. Tahimik na lang din ang batang babae, matagal na din itong tumigil sa paghikbi at ngayon ay hawak ang kamay niya.
Napapitlag sila ng bumukas ang pinto. Agad niyang naramdaman ang panginginig ng kasama niya at mas lalong nagsumiksik ito sa kanya. Lumakad ang liwanag sa kanila mula sa pintuan at dito niya nakita ang isang lalaking mataba. Malaki ang tiyan nito, marungis ang hitsura ng lalaki. Nakasuot ito ng dilaw na t-shirt at maong pants, may bahid ng mga natuyong dugo ang damit nito at sa balikat nito ay may dalang isang wala n
