Chapter Sixty-seven: Doubts
“Hindi ko naman akalaing magkikita kaming muli,” sabi ni James. Napabuntong hininga siya at napatingin sa mga kausap niya. Pinagmasdan niya ang tatlong kataong nakasuot ng mga itim na maskara. Hindi niya makita kung ano ang reaksyon ng mga ito sa kanyang kuwento. Hindi niya alam kung naniniwala ba ang mga ito sa kanya o hindi. Baka nga pinagtatawanan na siya sa mga sinabi niya.
“Alam ko naman na parang imposibleng mangyari pero---”
“We believe you,” sabi ng lalaki na nasa gitna. Napatigil siya at parang hindi makapaniwala sa kanyang mga narinig.
“T-talaga? Hindi ako nag-iimbento ng kuwento. Alam kong imposible pero totoo ang mga sinasabi ko,” sabi niya. Ngumiti sa kanya ang lalaki at hinawakan ang kanyang balikat.
“Huwag kang mag-alala.
