Chapter Eighteen: Raymond Bautista
Napabuntong hininga si Anton at ibinaba sa lamesa ang hawak niyang tablet. Kababasa lang niya ng balita tungkol sa bagong hepe ng Hukbong Knights. Tinitigan niya ang larawan ng bagong hepe at sa tingin niya ay kaedad lamang niya ito.
“Masyadong bata pa ang bagon chief ng Hukbong Knights,” sabi ni niya at sinimsim ang tinimplang kape. May isang pakiramdam siya na hindi niya maipaliwanag. Para bang nakita na niya ang lalaking iyon.
Napalingon siya sa kanyang paligid at bahagyang nalungkot. Wala ngayon ang grupo niya dahil may pasok sila ngayon sa university. Tumayo na siya at inilagay ang tasa na ginamit niya sa lababo bago dinampot ang kanyang itim na bag pack na nasa sofa bago lumabas ng kanyang unit. Sinara niya ng maigi ang pinto ng ka
