KINABUKASAN, maaga niya akong ginising para daw makapaghanda na kami para sa unang papasyalan namin ngayong araw. Nakita ko siyang hinahanda ang camera habang ako naman ay naligo at nagbihis tyaka humarap sa salamin upang maglagay ng kaunting makeup.
"Saan tayo pupunta ngayon?" tanong ko nang matapos ako sa ginagawa.
Inilahad niya ang kamay niya. He is wearing a gray hoodie, black pants and white sneakers. Bagay na bagay sa kaniya. Ako naman ay nakasuot ng faded blue jeans, white shirt and white sneakers.
"Let me check on my wife." Binalewala niya ang tanong ko, sa halip ay dahan-dahan at maingat niya akong pinaikot, habang hawak pa rin ang kamay ko, itinaas nga lang, parang nasa romantikong sayaw.
"How's your wife?" nakangising tanong ko sa kaniya, nakikisakay sa takbo ng isip niya.
