Andrea
ILANG araw matapos ang pangyayaring iyon, hindi ko na nakita si Samantha na bumisita sa EMadison Corp. Satingin ko ay naging malala ang pag-aaway ng dalawa na siya namang sumang-ayon sa aking mga plano.
Ngunit isang araw, habang ako ay abala sa pag-aayos ng schedule ni Bryan, isang sorpresang pagbisita ang kanyang ginawa sa aking opisina. Mukhang hindi siya nakatiis na bisitahin ang mahal niyang fiance.
Natigilan ako sa pag-aayos ng mga papeles na nasa ibabaw ng aking lamesa nang isang malakas na lagabag ng pinto ang aking narinig.
Tumaas ang aking kilay nang niluwa ng pintong iyon si Samantha na may galit na galit na hitsura.
Nagmamadali siyang lumapit sa aking kinaroroonan. Malakas niyang hinampas ang kamay sa ibabaw ng aking lamesa at diretsong tumingin sa aking mga mata.
"
