Kinabukasan ay parang pumasok si Aries sa bahay ng bubuyog sa ingay ng usap-usapan at bulung-bulungan sa trabaho. Naiirita siya sa tuwing may sumasalubong sa kanya at magtatanong kung ano ang nangyari. Naiinis siya sa mga malisyosong tingin sa kanya ng mga empleyado sa Amadeus.
"Baks, ano'ng eksaktong nangyari kay Boss David?" usisa ni Mae. Nasa boses nito ang pag-aalala.
Aries rolled her eyes. "Isa ka pa. Pwede ba? Iba na lang ang pag-usapan natin," aniya.
"As far as I know, baks, lahat ng employees dito concern kay Boss David. Deserve din naming malaman kung ano ang nangyari. Nag-aalala rin kami sa kanya," wika ni Mae.
"Inatake siya sa puso. Na-coma. Gano'n lang ka-simple," matabang na tugon ng dalaga.
Nagbuntong hininga si Mae. "Gaano raw katagal bago magising si Boss?"
"Hindi a
