Hindi ko alam na si Jake pala ang naitext ko kagabi. Dala na rin siguro ng sobrang hilo at antok ay hindi ko na nagawang tignan kung sino ang na-text ko.
Hindi na ako nag-atubiling kainin ang ice cream na bigay niya kahit na ang aga pa para doon. Parang binibiyak ang aking ulo kaya mas mabuti na din na kainin ko na iyon. Medyo guminhawa ang aking pakiramdam ng maubos ko ang ice cream. Inaya niya ako ng bumaba dahil naghanda daw si Mang Cecille ng pagkain para sa almusal.
Pagbaba namin ay nakita ko si Manang na inilapag ang ulam sa lamesa. Nang makita niya ako ay napatakip siya ng bibig. Mabilis akong naglakad papunta sa kanya at niyakap ito.
Nakita kong naluluha siya habang tinititigan ang aking mukha.
"Sobrang saya ko nang malaman na buhay ka. Ang ganda ganda mo lalo, Ma'am." Nangingi
