KASABAY ng unti-unting pagkakabuo ng gusaling itinatayo nila ay ang pagtibay ng relasyon nilang dalawa ni Klyv. Tuluyan na siyang nalunod sa pagmamahalan nilang dalawa. At dahil nga natuloy sa Paris si Valerie kaya hindi na rin siya muna umuwi ng Maynila. Tutal naman ay wala rin siyang ibang bibisitahin doon.
"Kanina pa ring ng ring 'yang cellphone mo. Sagutin mo kaya muna at baka importante." Lulan sila noon ng kotse ni Klyv papunta sa bahay nito. Naglambing kasi ang binata na ipagluto daw niya ng hapunan. Ilang beses na rin siyang nakatuntong sa mansiyon ng nobyo para pagsilbihan ito.
"Ang pinsan ko 'yan. Mangungulit lang 'yan at naghahanap ng kakuwentuhan." Nakangiti nitong tugon.
"Talaga? Nasaan ba siya?" Interesado niyang tanong.
"N
