"Mabigat at masakit sa loob ko ang naging desisyon kong ito, Val." Malungkot na kausap ni Vassyleen sa puntod ng kapatid. Kaninang umaga pa siya doon. Wala naman na siyang ibang makausap kaya dito na lang muna siya. "Pero okay na rin ako kahit papaano dahil alam kong magiging masaya na siya ulit..."
"Paano ako magiging masaya kung palagi na lang akong iniiwan ng babaeng magpapasaya sa'kin." Natigilan si Vassyleen sa malungkot na boses na iyon na tila nasa likuran lang niya.
Pero agad ding napailing. "Val, naman, eh. Alam kong nagtatampo ka sa'kin dahil hindi ko tinupad ang pangako ko na hindi ako bibitaw hangga't hindi ko siya napabalik sa buhay ko. Pero pakiusap, huwag mo naman akongg multuhin, sis. Hindi na nga siya maalis-alis sa puso't isip ko, eh. Pati ba na
