Medyo madilim na nung makarating sila sa bahay nila. Nag grocery pa kase silang dalawa, tinanggihan niya iyon pero iginiit nito. Kaya sumaglit muna sila sa supermarket at bumili ng groceries na dadalhin nila sa mama niya. Para silang bagong mag-asawa na namimili at nasa honeymoon stage. Tinatanong pa muna nito sa kanya ang bibilhin nila bago ilagay sa pushcart. Napapangiti pa ang mga staff na nakakakita sa kanila at yung iba ay sinasabing perfect couple silang dalawa. At ang hudyong Zion ay nasisiyahan pa sa naririnig samantalang siya ay gusto nang lumubog sa kinatatayuan. Binilisan tuloy niya ang pagkuha ng bibilhin nila at hinila sa counter, pagkatapos makabayad gamit ang ATM card na binigay nito sa kanya. Hindi ito nagkomento at hinayaan siya dahil iginiit niyang pera din naman nito ang
