WARNING: Contains adult theme!!!
Habang naglalakad sila ay pasulyap-sulyap siya sa binata na hindi maipinta ang mukha. Magkasalubong ang kilay nito na paminsan ay kumikibot pa ang labi na akala mo ay nagmamarakulyo na parang batang paslit. Tinignan niya ang nag-uumigting na ugat sa leeg nito, bumaba ang tingin niya sa nakakuyom na kamao nito. Napailing siya at nagbawi ng tingin.
Tahimik ang binata hanggang sa makarating sila sa bahay nila. Nilingon muna niya ito bago itinulak ang pinto at pumasok sa loob. Inilibot agad nito ang tingin sa loob ng kanilang bahay at huminto iyon sa portrait picture niya noong nagtapos siya. His eyes reddened and his adams apple move up and down. Lahat ng yun ay nakita niya. Napuno ng kalituhan ang buong pagkatao niya at hindi napigilang mag-usisa.
"May pro
