Tahimik na nakaupo siya sa pinakasulok ng sweet JJ 's cafe at nginangatngat ang straw ng strawberry flavored na yogurt. Sa katunayan ay pilit pa ring naglalaro sa isip niya ang mga pinag-usapan nila ni Zion noong nakaraang gabi. Pakiramdam niya ng oras na yun ay namatay ang gahiblang pag-asa na sa huli ay magiging maayos ang sinumulan nilang dalawa. Ang isa pang nagpapagulo sa isipan niya ay ang sinabi nitong puwede naman daw matutunan ang pagmamahal. Pero bigla nitong binawi iyon sa huling minuto at sinabing ayaw nito sa complications lalong lalo na at wala sa dictionaryo nito ang salitang love.
Naamin na rin kase niya sa wakas na gusto niya ang binata, Hindi niya masasabing hanggang dun lang yung nararamdaman niya dahil sa mga nakalipas na araw ay nararamdaman niya na patindi ng patindi
