Sinag ng araw ang gumising kay Zion. Itinaas niya ang kamay para takpan ang sinag na tumatama sa mukha niya. Naramdaman niyang ang mataas na lagnat niya kagabi ay wala na. Kinapa niya ang noo at nahawakan niya ang namamasang towel. Inalis niya yun at inilapag sa bedside table. Kumunot ang noo niya ng bumaling siya at makitang wala sa tabi niya si Shanna.
"Hmm!"
Gulat siyang napabaling sa kanan niya ng marinig ang ungol ni Shanna. Lumambot ang puso niya ng makitang nakayukyok ito sa gilid ng kama habang hawak hawak ang kamay niya. Nakita rin niya sa gilid ng kama ang basin na may tubig na ginamit nito para sa kanya. Hindi na niya matandaan kung kailan may nag-alaga sa kanya ng ganito. Kaya hindi niya maiwasan na may mainit na humaplos sa puso niya sa pag-aalaga ng dalaga sa kanya. Bumango
