“GAANO mo na katagal na kakilala ang Terrence na iyon? Sabi ni Nanay ay kaibigan niyo raw ni Linette. Schoolmates ba kayo?” sunod-sunod na tanong ni Kuya Nigel na sinundan pala ako hanggang sa kwarto ko.
“Oo, Kuya. Parehas kami ng strand pero magkaibigang section.” Hinayaan kong nakabukas ang pinto ng kwarto ko dahil tumayo lang sa labas si Kuya at hindi na tumuloy pumasok.
Pinagkrus ng kapatid ko ang kaniyang braso at sumandal sa hamba ng pinto. Napansin kong mas lumaki kaysa dati ang katawan niya base na rin sa paghulma ng kaniyang biceps. Naisisingit pa talaga niyang mag-gym kahit lagi niyang sinasabing busy siya.
“Gaano mo na nga siya katagal na kakilala?” inis na inulit niya ang tanong na hindi ko nasagot. “A year? Months?”
“Months,” matipid kong sagot.
“When exactly?”
Pagod ako
