“ALRIGHT, guys, please settle down!” anunsiyo sa amin ni Ma’am Jayleen habang nakatayo sa harapan ng kinaroroonan naming dance studio ng paaralan. “Find your comfortable spot and keep quiet, okay?”
Kaniya-kaniya kaming hanap ng puwesto at saka sumalampak sa malamig na tiled floor ng kuwarto. Iginala ko ang paningin nang mapansing hindi lang ang section namin ang naroon. Bahagya pa akong nagtago sa tabi ni Linette nang mahagip ko si Terrence na nakaupo sa sulok ng studio.
“Alam kong nagtataka kayo kung bakit kayo narito sa dance studio ng Special Class for Arts,” panimula ni Ma’am Jayleen. Siya ang adviser ng special art class.
Last year ay bumuo ang paaralan namin ng Special Program for Arts or SPA kung saan may extra classes ang mga estudyanteng may natatanging husay sa pagkanta, pa
